सध्या विज्ञान-तंत्रज्ञान युग आहे. त्यामुळे आधुनिकीकरण ही काळाची गरज आहे. याचा विचार करून संस्थेने माळीवाडा येथील मुख्य शाखा व सावेडी येथील शाखा आधुनिक संगणक संच बसवून अद्यावत केले आहेत. त्यायोगे संस्थेचे सर्व व्यवहार अचूक व जलदगतीने होत आहेत. आज आपली संस्था अहिल्यानगर जिल्ह्यातील एक अग्रगण्य संस्था म्हणुन नावारूपाला आली आहे. संस्थेच्या नफ्यातुन दरवर्षी सभासद कल्याण निधी काढला जातो त्याची स्वतंत्र नियमावली केली आहे. त्यानुसार जे सभासद अथवा त्यांचे नातेवाईक गंभीर आजाराने पीडित आहेत, हृदयविकारासारख्या व आरोग्याच्या दृष्टीने घातक असलेल्या विकारामुळे शस्त्रक्रिया करण्यासाठी संस्थेकडे जे सभासद मागणी करतील त्यांना या निधीतून रु. १५,०००/- पर्यंत अर्थसहाय्य केले जाते. याशिवाय संस्थेने स्वतंत्र धर्मदाय निधी उभारला असुन दरवर्षी नफ्यातुन धर्मदाय निधी काढला जातो. या निधीचा  वापर सहकार कायदा नियम व संस्थेचे पोटनियम यातील तरतुदींनुसार सर्व अटी व शर्तीचे पालन करून सामाजिक संस्थांना समाज प्रबोधनपर कार्यक्रम करण्यासाठी देणगी स्वरुपात मदत केली जाते. काही कार्यक्रमांचे प्रायोजकत्व स्वीकारुन संस्थेतर्फे कार्यक्रमास मदत दिली जाते व अशा कार्यक्रमात संस्थेच्या विविध योजनांची जाहिरात केली जाते. त्यामुळे संस्थेची प्रतिमा वाढते व संस्थेच्या मुदत ठेवी व कर्जावरील व्याजदराबाबत जनतेला माहिती होते. त्याचप्रमाणे संस्थेने  श्री रामकृष्ण एज्युकेशन फौंडेशन या शैक्षणिक संस्थेला भरीव देणगी दिलेली आहे. 

संस्थेचा विकास करण्याच्या दृष्टीकोणातुन नवीन संकल्प करू या. 

धन्यवाद ! 

|| जय श्रीकृष्ण ||

दि. १९/०८/१९८५ रोजी श्रावण महिन्यात परमपूज्य श्री डोंगरेजी महाराज यांच्या कृपा आशीर्वादाने आपण श्री. रामकृष्ण अर्बन सहकारी क्रेडिट सोसायटी लि., अहिल्यानगर ही संस्था सामान्य जनतेच्या सेवेचे व्रत घेऊन ४० वर्षापूर्वी सुरू केली तेव्हा पासुन आजपर्यंत संस्थेने सभासदांच्या सहकार्याच्या बळावर यशस्वी वाटचाल केली आहे व प्रत्येक वर्षी संस्था प्रगतीचे पाऊल पुढे पुढे टाकीतच आहे.